Skip to main content

ഇഫ്ത്താർ പുണ്യം തേടി ഭാരത സീമ ജീവനക്കാർ ...


29.07 .2013  : കൊച്ചി : സംഭവബഹുലമായ സായാഹ്നത്തിൽ ഭാരത സീമ ജീവനക്കാർ യാത്രക്കാർക്കായി ഒരുക്കിയ ഇഫ്താർ വിരുന്നു ചരിത്രമായി . അതുവരെ ശബ്ദ മുഖരിതമായ അന്തരീക്ഷം ശാന്തിയുടെയും സമാധാനത്തിന്റെയും പാതയിൽ എത്തിയത് മനസ്സ് കുളിർപ്പിച്ചു . യാത്രക്കാരെ ഉദ്ദേശിച്ചു ജീവനക്കാർ ഒരുക്കിയ ഇഫതാർ  വിരുന്നു  ലക്ഷദ്വീപ് പോർട്ട്‌ അധികൃധർ , LDCL അധികൃതർ , MMD സർവേയർമാർ ,ക്രമസമാധാന പാലകർ തുടങ്ങിയവരുടെ സാന്നിദ്ധ്യം കൊണ്ട് ശ്രദ്ധേയമായി .
    കൊച്ചിയിൽ നിന്നും കവരത്തി, അഗത്തി ,അന്ദ്രോത്ത് ,കല്പേനി തുടങ്ങിയ ദ്വീപുകളിലേക്ക് പുറപ്പെടേണ്ട കപ്പൽ സമയം ആയിട്ടും പുറപ്പെട്ടില്ല . യാത്രക്കാരുടെ ചോദ്യം ഒടുവിൽ പ്രധിഷേധം ആയി മാറി .കാലാവധി കഴിഞ്ഞ വാര്ഷിക സർട്ടിഫിക്കറ്റ് പുതുക്കി ക്കിട്ടാൻ സമയം എടുത്തതാണ് കപ്പൽ പുറപ്പെടുന്നത് വൈകിപ്പിച്ചത് .
     കാൻസർ രോഗിയും പ്രസവം കഴിഞ്ഞു നാട്ടിൽ പോവുന്നവരും അടക്കം ഏകദേശം 240 ഓളം യാത്രക്കാർ കപ്പലിൽ ഉണ്ടായിരുന്നു .അധികവും  നോമ്പ് എടുത്തവർ ...
      പ്രശ്നം രൂക്ഷമായപ്പോൾ LDCL അധികാരികളും UTL ഉദ്യോഗസ്ഥരും കപ്പലിൽ എത്തി . ഏകദേശം നാലു മണിയോടെ സർട്ടിഫിക്കറ്റ് മായി സർവേയർ എത്തി . എന്നാൽ ഇത്രനേരം കപ്പൽ പുറപ്പെടാൻ താമസിപ്പിച്ചതിനു ഉത്തരം പറയണം എന്ന് ആവശ്യപ്പെട്ടു യാത്രക്കാർ നിലയുറപ്പിച്ചപ്പോൾ ചർച്ചകൾ അലസി പ്പിരിഞ്ഞു . ഒന്നും എവിടെയും എത്താത്ത സാഹചര്യത്തിലാണ് യാത്രക്കാർക്കായി കപ്പലിലെ ജീവനക്കാർ ഒരുക്കിയ ഇഫ്താർ വിരുന്നിന്റെ അറിയിപ്പ് ഉച്ചഭാഷിണിയിൽ മുഴങ്ങിയത് .
സ്ഥിതി ശാന്തതയിൽ എത്താൻ പിന്നെ താമസം വേണ്ടി വന്നില്ല .
    റമദാൻ തുടങ്ങിയത് മുതലുള്ള ഭാരത സീമ ജീവനക്കാരുടെ ആഗ്രഹം പരിസമാപ്തിയിൽ എത്തി.
     യാത്രക്കാരെ പ്രതീക്ഷിച്ചു ഒരുക്കിയ ഇഫ്താർ വിരുന്നു അങ്ങനെ അപൂർവമായ സംഗമ വേദിയായി മാറി .
     DD മുത്ത്‌ കോയ , ശ്രീ റഫീക്ക് , LDCL ജനറൽ മാനേജർ ,മറൈൻ സൂപ്രന്റ്റ്  ശ്രീ മുഹമ്മദ്‌ സാലി,CISF ജവാന്മാർ ,മറ്റു ക്രമസമാധാന പാലകർ, MMD സർവേയർമാർ  അടക്കം നിരവധി പ്രമുഘർ ഇഫ്താർ വിരുന്നിൽ സംബന്ധിച്ചു .
  അതു വരെ കീരിയും പാമ്പും പോലെ നിലയുറപ്പിച്ച യാത്രക്കാരും അധികൃധരും ഇഫ്താർ വിരുന്നോടെ ഒരുമിച്ച കാഴ്ച അവർണനീയം തന്നെ.
    അവസാനം യാത്രക്കാരുമായി ധാരണയിൽ എത്തിയ ശേഷം കപ്പൽ കവരത്തിക്ക് പകരം എളുപ്പം എത്തുന്ന അന്ത്രോത് ദ്വീപിലേക്ക് രാത്രി എട്ടു മണിയോടെ യാത്ര തിരിച്ചു.

Comments

Popular posts from this blog

ഡ്രൈ ഡോക്കിംഗിനെ കുറിച്ച്...

ലക്ഷദ്വീപിലെ യാത്രാ പ്രശ്നങ്ങൾ ചർച്ചയിൽ  വരുമ്പോഴും അല്ലാത്തപ്പോഴും എല്ലാം ഇടക്കിടെ നമ്മൾ ഉപയോഗിക്കുന്ന വാക്കുകളാണ്  ' ആ കപ്പൽ ഡോക്കിലാണ്' അല്ലെങ്കിൽ ഡോക്കീന്നിറങ്ങി എന്നെല്ലാം.. ഡോക്കിങ്ങ് എന്ന സംഭവത്തെ കുറിച്ച് കുറച്ച് കാര്യങ്ങൾ സൂചിപ്പിക്കട്ടെ.. സാധാരണ കപ്പലുകളെ അപേക്ഷിച്ച് യാത്രാ കപ്പലുകൾ ഓരോ വർഷവും സുരക്ഷാ പരിശോധനകൾ നടത്തി ' "യാത്രാക്കപ്പൽ സുരക്ഷാ സർട്ടിഫിക്കറ്റ്" അല്ലെങ്കിൽ സർട്ടിഫിക്കറ്റ് ' A'  എന്ന സർട്ടിഫിക്കറ്റ് നേടേണ്ടതുണ്ട്.  (നമ്മുടെ കപ്പലുകളിൽ ഓരോ യാത്രക്കും മുന്നോടിയായി MMD സർവ്വയർ നടത്തുന്ന സുരക്ഷാ പരിശോധനയിൽ ലഭിക്കുന്ന സർട്ടിഫിക്കറ്റ്,   ' B' സർട്ടിഫിക്കറ്റ് എന്ന് വിളിക്കുന്നു. )
വാർഷിക സർവ്വേയുടെ ഭാഗമായി കപ്പലിന്റ അടിഭാഗത്തിന്റ വിശദമായ പരിശോധന നടത്തണ്ടതുണ്ട്. അഞ്ചു വർഷത്തിൽ രണ്ടു പ്രാവശ്യം അല്ലെങ്കിൽ ഒരു പ്രാവശ്യം കപ്പലിന്റെ അടിഭാഗത്തിന്റെ പരിശോധന നടത്തപ്പെടുന്നത് ഡ്രൈ ഡോക്കിൽ ആയിരിക്കണം. അല്ലാത്തപ്പോൾ കടലിൽ വെച്ച് തന്നെ മുങ്ങൽ വിദഗ്ദരുടെ സഹായത്താൽ അടിഭാഗത്തിന്റെ CCTV ദൃശ്യങ്ങൾ ചിത്രീകരിച്ച് സർവ്വയർമാർ  പരിശോധന നടത്തുന്നു.
ഡ്രൈ …

അടുക്കള തോട്ടത്തിലെ ഗണിത ശാസ്ത്രം

മാസങ്ങൾക് മുൻപ്‌ ഈ ചെറുപ്പക്കാരൻ കളിയായി തുടങ്ങിയതല്ല ഈ അടുക്കള കൃഷി ; മറിച്ച് തികഞ്ഞ ലക്ഷ്യ ബോധവും കഠിനധ്വാനവും കൊണ്ട്  തന്റെ കൊച്ചു അടുക്കള തോട്ടത്തിൽ വിജയഗാഥ രചിക്കുവാൻ ഈ യുവാവിനു സാധിച്ചു. ഇന്ന് ഇദ്ദേഹത്തിന്റെ തോട്ടത്തിൽ നിന്നും തക്കാളി ,വെണ്ട, കാബാജ്,മുളക് ,വഴുതന ,ചീര ,പയർ തുടങ്ങി ഒരു വിധം വീട്ടാവശ്യത്തിനുള്ള എല്ലാ പച്ചക്കറികളും വിളവെടുക്കാൻ സാധിച്ചിട്ടുണ്ട് .
  അന്ത്രോത്ത് ദ്വീപ്‌ സ്വദേശിയും TGT ഗണിത ശാസ്ത്ര അധ്യാപകനും ആയ മുഹമ്മദ്‌ ഖാസിം എന്ന  ഈ ചെറുപ്പക്കാരന്റെ മാതൃക നമുക്കെല്ലാവര്ക്കും പിന്തുടരാം കഴിയട്ടെ .

ലഹരി വിരുദ്ധ വികാരം ശക്തമാകുന്നു

കൊച്ചി : 14.10.2017:   മഹാ വിപത്തായ ലഹരി ഉപയോഗം ലക്ഷദ്വീപിലും കൂടിവരുന്നതായി റിപ്പോർട്ട് .. ഏതാനും ദിവസങ്ങൾക്ക് മുമ്പ് മദ്യവും കഞ്ചാവുമായി ദ്വീപ് സ്വദേശികൾ കവരത്തിയിൽ പിടിയിലായതോടെ ലഹരിക്കെതിരെ പൊതുജന വികാരം ശക്തിപ്പെട്ടിരിക്കുന്നു .. നിലവിലെ നിയമ പ്രകാരം ബംഗാരം ഒഴികെ ലക്ഷദ്വീപിലെ മുഴുവൻ പ്രദേശങ്ങളും മദ്യ നിരോധിത മേഖലയാണ് .എന്നാൽ വൻകരയിൽ നിന്നും കപ്പലും മഞ്ജുവും വഴി മദ്യവും ലഹരി വസ്തുക്കളും ലക്ഷദ്വീപിലേക്ക് കടത്തുന്നതായി പലപ്പോഴായി ശ്രദ്ധയിൽ പെട്ടിട്ടും അധികാരികളുടെ ഭാഗത്തു നിന്നും ശക്തമായ ഇടപെടലുകൾ ഉണ്ടായിട്ടില്ലെന്ന് ദ്വീപുകാർ ആരോപിക്കുന്നു .. ലക്ഷദ്വീപുകാരായ സാമൂഹ്യ പ്രവർത്തകരും ഉദ്യോഗസ്ഥരും അടങ്ങിയ ലഹരി വിരുദ്ധ സമിതി 08.10.2017 ഞായറാഴ്ച കൊച്ചി ഗാന്ധി നഗറിലെ ലയൺസ് ക്ലബ് ഹാളിൽ വെച്ച് നടത്തിയ യോഗത്തിൽ ലഹരി ഉപയോഗ വിഷയത്തെ സംബന്ധിച്ചും അത് എങ്ങനെ തടയാം എന്നതിനെ കുറിച്ചും ക്രിയാത്മകമായ ചർച്ചകൾ നടത്തുകയുണ്ടായി .. ലഹരി ലക്ഷദ്വീപിലേക്ക് ഒഴുകുന്ന വഴികൾ തടയാൻ അധികാരികളെ സമീപിക്കാനും ലഹരി വിരുദ്ധ ബോധവത്കരണം ദ്വീപുകളിൽ നടത്താനും തീരുമാനമായി. ലഹരിയുമായി ബന്ധപ്പെട്ട കേസുകളിൽ രാഷ്ട്രീയ നേതാക്കൾ …