Skip to main content

ലക്ഷദ്വീപ് കപ്പലുകൾ- വിശാല വികസന തൊഴിൽ മേഘല ,ഒരു വിശകലനം ..

   
ഒരു കാലത്ത് കപ്പലുകളിലെ ജോലിക്കാരെ കൌതുകത്തോടെ വീക്ഷിച്ചവരായിരുന്നു ലക്ഷദ്വീപുകാർ . എന്നാൽ ഇന്ന് നമ്മുടെ കപ്പലുകളിൽ സകല മേഘലകളിലും ദ്വീപുകാർ സാന്നിധ്യം അറിയിച്ചു കഴിഞ്ഞിരിക്കുന്നു . കഷ്ടപ്പാടും സാഹസികതയും നിറഞ്ഞ നാവിക തൊഴിൽ മേഘലയിലേക്ക് ലക്ഷദ്വീപുകാർ കൂട്ടം കൂട്ടമായി വരുന്ന കാഴ്ചയാണ് ഈ വർഷങ്ങളിൽ നാം സാക്ഷ്യം വഹിക്കുന്നത് .
     വൈറ്റ് കോളർ ജോലികൾ കാത്തിരിക്കാതെ കപ്പലിൽ ജോലി തേടി ദ്വീപിലെ യുവാക്കൾ  ജനറൽ പർപസ് റേറ്റഇങ്ങ് , നോട്ടിക്കൽ  സയൻസ് , മറൈൻ എന്ജിനീയറിംഗ് തുടങ്ങിയ കോഴ്സുകൾ പാസ്സായി കപ്പലിൽ കേറുകയും ചെയ്യുന്നു . 
    ഇന്ന് അഞ്ഞൂറിലധികം ദ്വീപുകാർ ലക്ഷദ്വീപിലെ കപ്പലുകളിൽ ജോലി ചെയ്യുന്നു . അതിൽ തന്നെ ക്രൂ വിഭാഗം LDCL  വഴി നേരിട്ടുള്ള നിയമനത്തിലും ഓഫീസർ വിഭാഗം മൂന്നാം കക്ഷിയായ മാനിംഗ് ഏജൻസി വഴിയും ജോലി ചെയ്യുന്നു .
    സീമൻ ,ബോസൻ , ഫിറ്റർ ,കുക്ക് ,കാറ്റെരിംഗ് ഓഫീസർ എന്നീ വിഭാഗങ്ങളിൽ ദ്വീപുകാർ മാത്രം ആയതിനാൽ LDCL നേരിട്ടാണ് നിയമനം .
എലെക്റ്റ്രിക്കൽ ഓഫീസർ , റേഡിയോ ഓഫീസർ എന്നീ തസ്തികകളിലും ദ്വീപുകാർ ഫുള്ളായി കഴിഞ്ഞു .എന്നാൽ നിലവിൽ മാനിംഗ് ഏജൻസി വഴിയാണ് ഈ വിഭാഗങ്ങളിൽ നിയമനം . മറ്റു റാങ്കുകളിൽ അതായത് തേർഡ് ഓഫീസർ,സെക്കന്റ്‌ ഓഫീസർ , ചീഫ് ഓഫീസർ ,ക്യാപ്ടൻ , തേർഡ് എൻജിനീയർ , സെക്കന്റ്‌ എൻജിനീയർ ,ചീഫ് എൻജിനീയർ എന്നീ വിഭാഗങ്ങളിൽ ദ്വീപുകാർ തങ്ങളുടെ സാന്നിധ്യം അറിയിച്ചു കൊണ്ടിരിക്കുന്നു. ചീഫ് ഓഫീസർ ,ചീഫ് എൻജിനീയർ ,ക്യാപ്റ്റൻ എന്നീ റാങ്കുകളിൽ വരും വർഷങ്ങളിൽ തന്നെ ദ്വീപുകാർ എത്തുമെന്നാണ് പ്രതീക്ഷ .
       നിലവിൽ കപ്പൽ ജോലിക്കാർ നേരിടുന്ന പ്രതിസന്ധികൾ ഒരുപാടാണ്‌ . ശമ്പള വർദ്ധന , തൊഴിൽ തർക്കം , അവസര നിഷേധം തുടങ്ങി പ്രശ്നങ്ങൾ പലതുണ്ട് . ഓഫീസർ വിഭാഗങ്ങളിൽ ജോലിക്കായി മാസങ്ങൾ ദ്വീപുകാർ കാത്തിരിക്കേണ്ടി വരുന്നു . ആറ് മാസത്തെ കോണ്ട്രാക്റ്റ് കഴിഞ്ഞിറങ്ങുന്ന ദ്വീപുകാരായ  ഓഫീസർമാർ അടുത്ത  അവസരത്തിന് വേണ്ടി മാനിംഗ് ഏജൻസി കളുടെ ഓഫീസിൽ മാസങ്ങൾക്ക് മുമ്പേ കയറി ഇറങ്ങണം . അല്ലെങ്കിൽ  ഉള്ള അവസരം നഷ്ടപ്പെടും . കപ്പലുകളിൽ ഒഴിവു വരുന്നതിനനുസരിച്ച് ഓഫീസർ വിഭാഗത്തിന് വിവരം നൽകാൻ നിലവിൽ സംവിധാനങ്ങൾ ഇല്ല . ദ്വീപുകാരുടെ പ്രശ്നങ്ങൾ നോക്കാൻ LDCL ഇൽ ചുമതലപ്പെട്ടവർ അതിനു മെനക്കെടാറുമില്ല . അവരുടെ അഭിപ്രായത്തിൽ ദ്വീപുകാരായ ക്രൂ വിഭാഗത്തിന്റെ കാര്യം മാത്രമേ LDCL പരിഗണിക്കൂ. ദ്വീപിലെ ഓഫീസർ മാരെ LDCL നേരിട്ട് നിയമിക്കാനുള്ള തീരുമാനം ഇതുവരെ ഇല്ല . അതു കൊണ്ട് ദ്വീപിലെ ഓഫീസർ മാരുടെ കാര്യങ്ങൾ നോക്കാൻ ഒരു വെൽഫയർ ഓഫീസർ തസ്തിക LDCL ഉടൻ നിയമിക്കണം. പക്ഷെ പല വാതിലുകൾ മുട്ടിയിട്ടും ഫലം കിട്ടിയില്ല . 
   എന്തായാലും ഈ ഓഫീസർ മാർ ആറു മാസം ജോലി ചെയ്തിറങ്ങി മൂന്നു മാസം നാട്ടിൽ നിൽക്കാതെ  അടുത്ത അവസരത്തിനായി വീണ്ടും കൊച്ചിയിൽ വന്നു അവന്റെ സമ്പാദ്യം ആഴ്ചകളോളം ജോലി തേടി ചെലവാക്കേണ്ട അവസ്ഥ. കുടുംബത്തോട് കൂടെ നടക്കേണ്ട ഒഴിവുകാലം  അടുത്ത അവസരത്തിന് വിളി വരാത്തതിനാൽ നഷ്ടപ്പെടുത്തേണ്ടി വരുന്നു . രണ്ടോ മൂന്നോ മാസം കഴിഞ്ഞാൽ കമ്പനി വിളിക്കുമെന്ന ഉറപ്പുണ്ടെങ്കിൽ ഈ അവസ്ഥ ഒഴിവാക്കാമായിരുന്നു . എന്നാൽ അഞ്ഞൂറോളം ക്രൂ വിനെ നേരിട്ട് വിളിച്ചു അടുത്ത അവസരം എന്നാണെന്ന് അറിയിക്കാൻ ഒരാളെ കൊണ്ട് പറ്റുന്ന LDCL നൂറിൽ കുറവ് വരുന്ന ദ്വീപുകാരായ ഓഫീസർ വിഭാഗത്തോട് തികച്ചും  നിരാശാജനകമായി പെരുമാറുന്നു.  മാനിംഗ് ഏജൻസി വഴി ശമ്പളം നല്കുക വഴി ഓരോ വിഭാഗത്തിനും അർഹമായ ശമ്പളം നൽകാനും അതു സംബന്ധമായ പ്രശ്നങ്ങളിൽ തലയിടാനും മടി കാണിക്കുന്ന സ്ഥിതിയാണ് ഇന്ന് നിലവിൽ LDCL വെച്ച് പുലർത്തുന്നത് എന്ന് പറയാതെ വയ്യ. 
  എത്രയും പെട്ടെന്ന് തന്നെ ദ്വീപിലെ ഓഫീസർ വിഭാഗത്തെ നേരിട്ട് നിയമിക്കാനും അവരുടെ പ്രശ്നങ്ങൾ പഠിക്കാനും ഉയർന്ന റാങ്കുകൾ കരസ്ഥമാക്കാൻ ദ്വീപുകാരെ പ്രോത്സാഹിപ്പിക്കാനും ലക്ഷദ്വീപ് വികസന കോർപറേഷൻ അനുഭാവ പൂർവമായി നിലകൊള്ളും എന്ന പ്രതീക്ഷയോടെ നിർത്തുന്നു .
  (  ഈ പോസ്റ്റ്‌ ആരെയെങ്കിലും വിഷമിപ്പിച്ചിട്ടുണ്ടെങ്കിൽ ക്ഷമിക്കുക )

  

Comments

Popular posts from this blog

ഡ്രൈ ഡോക്കിംഗിനെ കുറിച്ച്...

ലക്ഷദ്വീപിലെ യാത്രാ പ്രശ്നങ്ങൾ ചർച്ചയിൽ  വരുമ്പോഴും അല്ലാത്തപ്പോഴും എല്ലാം ഇടക്കിടെ നമ്മൾ ഉപയോഗിക്കുന്ന വാക്കുകളാണ്  ' ആ കപ്പൽ ഡോക്കിലാണ്' അല്ലെങ്കിൽ ഡോക്കീന്നിറങ്ങി എന്നെല്ലാം.. ഡോക്കിങ്ങ് എന്ന സംഭവത്തെ കുറിച്ച് കുറച്ച് കാര്യങ്ങൾ സൂചിപ്പിക്കട്ടെ.. സാധാരണ കപ്പലുകളെ അപേക്ഷിച്ച് യാത്രാ കപ്പലുകൾ ഓരോ വർഷവും സുരക്ഷാ പരിശോധനകൾ നടത്തി ' "യാത്രാക്കപ്പൽ സുരക്ഷാ സർട്ടിഫിക്കറ്റ്" അല്ലെങ്കിൽ സർട്ടിഫിക്കറ്റ് ' A'  എന്ന സർട്ടിഫിക്കറ്റ് നേടേണ്ടതുണ്ട്.  (നമ്മുടെ കപ്പലുകളിൽ ഓരോ യാത്രക്കും മുന്നോടിയായി MMD സർവ്വയർ നടത്തുന്ന സുരക്ഷാ പരിശോധനയിൽ ലഭിക്കുന്ന സർട്ടിഫിക്കറ്റ്,   ' B' സർട്ടിഫിക്കറ്റ് എന്ന് വിളിക്കുന്നു. )
വാർഷിക സർവ്വേയുടെ ഭാഗമായി കപ്പലിന്റ അടിഭാഗത്തിന്റ വിശദമായ പരിശോധന നടത്തണ്ടതുണ്ട്. അഞ്ചു വർഷത്തിൽ രണ്ടു പ്രാവശ്യം അല്ലെങ്കിൽ ഒരു പ്രാവശ്യം കപ്പലിന്റെ അടിഭാഗത്തിന്റെ പരിശോധന നടത്തപ്പെടുന്നത് ഡ്രൈ ഡോക്കിൽ ആയിരിക്കണം. അല്ലാത്തപ്പോൾ കടലിൽ വെച്ച് തന്നെ മുങ്ങൽ വിദഗ്ദരുടെ സഹായത്താൽ അടിഭാഗത്തിന്റെ CCTV ദൃശ്യങ്ങൾ ചിത്രീകരിച്ച് സർവ്വയർമാർ  പരിശോധന നടത്തുന്നു.
ഡ്രൈ …

അടുക്കള തോട്ടത്തിലെ ഗണിത ശാസ്ത്രം

മാസങ്ങൾക് മുൻപ്‌ ഈ ചെറുപ്പക്കാരൻ കളിയായി തുടങ്ങിയതല്ല ഈ അടുക്കള കൃഷി ; മറിച്ച് തികഞ്ഞ ലക്ഷ്യ ബോധവും കഠിനധ്വാനവും കൊണ്ട്  തന്റെ കൊച്ചു അടുക്കള തോട്ടത്തിൽ വിജയഗാഥ രചിക്കുവാൻ ഈ യുവാവിനു സാധിച്ചു. ഇന്ന് ഇദ്ദേഹത്തിന്റെ തോട്ടത്തിൽ നിന്നും തക്കാളി ,വെണ്ട, കാബാജ്,മുളക് ,വഴുതന ,ചീര ,പയർ തുടങ്ങി ഒരു വിധം വീട്ടാവശ്യത്തിനുള്ള എല്ലാ പച്ചക്കറികളും വിളവെടുക്കാൻ സാധിച്ചിട്ടുണ്ട് .
  അന്ത്രോത്ത് ദ്വീപ്‌ സ്വദേശിയും TGT ഗണിത ശാസ്ത്ര അധ്യാപകനും ആയ മുഹമ്മദ്‌ ഖാസിം എന്ന  ഈ ചെറുപ്പക്കാരന്റെ മാതൃക നമുക്കെല്ലാവര്ക്കും പിന്തുടരാം കഴിയട്ടെ .

ലഹരി വിരുദ്ധ വികാരം ശക്തമാകുന്നു

കൊച്ചി : 14.10.2017:   മഹാ വിപത്തായ ലഹരി ഉപയോഗം ലക്ഷദ്വീപിലും കൂടിവരുന്നതായി റിപ്പോർട്ട് .. ഏതാനും ദിവസങ്ങൾക്ക് മുമ്പ് മദ്യവും കഞ്ചാവുമായി ദ്വീപ് സ്വദേശികൾ കവരത്തിയിൽ പിടിയിലായതോടെ ലഹരിക്കെതിരെ പൊതുജന വികാരം ശക്തിപ്പെട്ടിരിക്കുന്നു .. നിലവിലെ നിയമ പ്രകാരം ബംഗാരം ഒഴികെ ലക്ഷദ്വീപിലെ മുഴുവൻ പ്രദേശങ്ങളും മദ്യ നിരോധിത മേഖലയാണ് .എന്നാൽ വൻകരയിൽ നിന്നും കപ്പലും മഞ്ജുവും വഴി മദ്യവും ലഹരി വസ്തുക്കളും ലക്ഷദ്വീപിലേക്ക് കടത്തുന്നതായി പലപ്പോഴായി ശ്രദ്ധയിൽ പെട്ടിട്ടും അധികാരികളുടെ ഭാഗത്തു നിന്നും ശക്തമായ ഇടപെടലുകൾ ഉണ്ടായിട്ടില്ലെന്ന് ദ്വീപുകാർ ആരോപിക്കുന്നു .. ലക്ഷദ്വീപുകാരായ സാമൂഹ്യ പ്രവർത്തകരും ഉദ്യോഗസ്ഥരും അടങ്ങിയ ലഹരി വിരുദ്ധ സമിതി 08.10.2017 ഞായറാഴ്ച കൊച്ചി ഗാന്ധി നഗറിലെ ലയൺസ് ക്ലബ് ഹാളിൽ വെച്ച് നടത്തിയ യോഗത്തിൽ ലഹരി ഉപയോഗ വിഷയത്തെ സംബന്ധിച്ചും അത് എങ്ങനെ തടയാം എന്നതിനെ കുറിച്ചും ക്രിയാത്മകമായ ചർച്ചകൾ നടത്തുകയുണ്ടായി .. ലഹരി ലക്ഷദ്വീപിലേക്ക് ഒഴുകുന്ന വഴികൾ തടയാൻ അധികാരികളെ സമീപിക്കാനും ലഹരി വിരുദ്ധ ബോധവത്കരണം ദ്വീപുകളിൽ നടത്താനും തീരുമാനമായി. ലഹരിയുമായി ബന്ധപ്പെട്ട കേസുകളിൽ രാഷ്ട്രീയ നേതാക്കൾ …