Skip to main content

കപ്പലിലെ ഓഫീസർമാരുടെ ശമ്പളം - ചർച്ചയിൽ പുരോഗതി !!!

25 .04.2015: കൊച്ചി : ലക്ഷദ്വീപ് കപ്പലുകളിൽ ജോലി ചെയ്യുന്ന ഓഫീസർമാരോടുള്ള അവഗണനയ്ക്ക് പരിഹാരം കാണാനായി ലക്ഷദ്വീപ് ഡെവലപ്മെന്റ് കോർപറേഷൻ ലിമിറ്റഡ് ഓഫീസിൽ വെള്ളിയാഴ്ച  നടന്ന ചർച്ചയിൽ പുരോഗതി . LDCL അധികൃതരും മാന്നിംഗ് ഏജൻസി (തേർഡ് പാർട്ടി ) കളുമായി നടത്തിയ ചർച്ചയിൽ ആണ് തീരുമാനം . ചർച്ചയിൽ ദ്വീപിൽ നിന്നുള്ള സെക്കന്റ്‌ ഓഫീസർ മാരായ ശ്രീ . മുഹമ്മദ്‌ നസീം , ശ്രീ . അബ്ദുൽ സലാം, ശ്രീ. സൽമാനുൽ ഫാരിസ്‌ എന്നിവർ ലക്ഷദ്വീപ് കപ്പലുകളിലെ ഓഫീസർ വിഭാഗത്തെ  പ്രധിനിധീകരിച്ചു പങ്കെടുത്തു .
       ദ്വീപിലെ ഓഫീസർ വിഭാഗത്തെ കപ്പലുകളിൽ നിയമിക്കുന്നത് നിലവിൽ തേർഡ്  പാർട്ടി മാനിംഗ് എജന്റ്റ്മാരാണ് . കപ്പലുകളിലേക്ക് ആവശ്യമുള്ള ഓഫീസർമാരെ ഇവർ റിക്രൂട്ട് ചെയ്യുന്നതിന് കമ്മീഷൻ അടക്കം ഓരോ മാസവും ഓഫീസർ വിഭാഗങ്ങൾക്ക് ശമ്പളം നൽകാൻ ലക്ഷക്കണക്കിന്‌ രൂപയും LDCL നൽകുന്നു . എന്നാൽ നടത്തിപ്പിനുള്ള കമ്മീഷൻ ഉണ്ടായിട്ടു കൂടി ഓരോ ഓഫീസർമാരും കപ്പലിൽ ജോയിൻ ചെയ്യാൻ എത്തുന്ന അവസരങ്ങളിൽ കോണ്ട്രാക്റ്റ് സൈൻ ചെയ്യിപ്പിക്കുന്നത് യഥാർത്ഥത്തിൽ നൽകേണ്ട തുകയിൽ നിന്നും നല്ല ശതമാനം കുറച്ചിട്ടായിരിക്കും .ഇതു മാനിംഗ് പാർട്ടിക്കു  വൻ ലാഭം കൊയ്യാനുള്ള അവസരമായി ഇത്രയും കാലം തുടർന്ന് പോന്നിരുന്നു . എതിർപ്പ് പ്രകടിപ്പിക്കുന്ന ഓഫീസർമാർ ന്യായമായ ശമ്പളം കിട്ടുന്നതിനു വേണ്ടി LDCL ഓഫീസിൽ കയറിയിറങ്ങി അവസാനം കിട്ടുന്ന ശമ്പളത്തിന് കപ്പലിൽ ജോലിക്ക് കയറും. യഥാർത്ഥത്തിൽ ഇന്ത്യയിൽ ഒട്ടാകെ അംഗീകരിക്കപ്പെട്ട MUI -INSA അഗ്രീമെന്റ് പ്രകാരമുള്ള മിനിമം തുക നൽകണമെന്ന് LDCL - മാനിംഗ് എജന്റ്റ്മാർ തമ്മിലുള്ള കരാറിൽ നിർദേശം ഉണ്ടെങ്കിലും തേർഡ് പാർട്ടി ഇതു പാലിക്കുന്നതിൽ പലപ്പോഴും അലംഭാവം കാണിക്കുന്നു. അതു കാരണം ഓരോ ഓഫീസർമാരും എല്ലാ പ്രാവശ്യവും കപ്പലിൽ ജോയിൻ ചെയ്യുമ്പോഴും ശമ്പളത്തിനായി പ്രതികരിക്കേണ്ട അവസ്ഥ വരുന്നു . കൂടാതെ പല കപ്പലുകളിലും ഓഫീസർ മാരുടെ മാസ ശമ്പളം അടുത്ത മാസം പകുതി ആയാലും അക്കൗണ്ടിൽ എത്താറില്ല .LDCL നൽകുന്ന തുക കുറച്ചു ദിവസം ബാങ്കിൽ ഇട്ടു അതിന്റെ പലിശ വാങ്ങിക്കുന്നുണ്ടോയെന്നും സംശയിക്കേണ്ടിയിരിക്കുന്നു . ഈ പ്രശ്നം പല പ്രാവശ്യമായി സീമാൻ യൂണിയനുകൾ LDCL അധികാരികൾക്ക് മുമ്പിൽ എത്തിച്ചിട്ടും ശാശ്വത പരിഹാരത്തിനായി LDCL ശ്രമിച്ചിരുന്നില്ല .
        നിലവിൽ കപ്പലിൽ  ജോയിൻ ചെയ്യാനുള്ളവർക്കും ശമ്പളം കുറച്ചു നൽകാനുള്ള തേർഡ് പാർട്ടികളുടെ ശ്രമത്തെ ദ്വീപിലെ ഓഫീസർമാർ ഒരുമിച്ചു നിന്ന് എതിർക്കുകയും LSWA ,FSUI എന്നീ യൂണിയനുകളുടെ സഹായത്തോടെയും രാഷ്ട്രീയ തലത്തിലെ ശക്തമായ ഇടപെടലുകളാലും മുന്നോട്ടു പോയതിന്റെ ഫലമായി ഒരു മേശക്കു ചുറ്റും LDCL അധികാരികളും മാനിംഗ് എജന്റുകളും  ദ്വീപിലെ ഓഫീസർമാരും കൂടിയിരുന്നു ചർച്ച നടത്തുന്നതിലേക്ക് കാര്യങ്ങൾ ചെന്നെത്തി .. മാനിംഗ് എജന്റ്റ്കളുടെ വാദങ്ങളെ വ്യക്തമായ തെളിവുകളുടെ സഹായത്താൽ ദ്വീപിലെ ഓഫീസർമാർ എതിർത്തു തോൽപ്പിച്ചു . അവസാനം വിവിധ വിഭാഗങ്ങളിലുള്ള ഓഫീസർ മാരുടെ ശമ്പളം MUI -INSA പ്രകാരം കണക്കു കൂട്ടിയ വിധത്തിൽ നൽകാൻ LDCL നിർദേശിച്ചു . കൂടാതെ വെള്ളിയാഴ്ച നടന്ന മീറ്റിങ്ങിലെ തീരുമാനങ്ങൾ LSWA , FSUI എന്നീ സംഘടനകൾക്ക് എഴുതി നൽകാനും തേർഡ് പാർട്ടികളോട് LDCL കമ്പനി സെക്രട്ടറി നിർദേശിച്ചു . ഇതൊരു ഭാഗികമായ വിജയം മാത്രമാണെന്നും ഇനിയും ചിലകാര്യങ്ങൾ കൂടി ശരിയായി വരണം എന്നും ചർച്ചയിൽ പങ്കെടുത്ത ഓഫീസർമാർ ജസരി ന്യൂസ്‌ ലൈനിനെ അറിയിച്ചു .
     

Comments

Popular posts from this blog

ഡ്രൈ ഡോക്കിംഗിനെ കുറിച്ച്...

ലക്ഷദ്വീപിലെ യാത്രാ പ്രശ്നങ്ങൾ ചർച്ചയിൽ  വരുമ്പോഴും അല്ലാത്തപ്പോഴും എല്ലാം ഇടക്കിടെ നമ്മൾ ഉപയോഗിക്കുന്ന വാക്കുകളാണ്  ' ആ കപ്പൽ ഡോക്കിലാണ്' അല്ലെങ്കിൽ ഡോക്കീന്നിറങ്ങി എന്നെല്ലാം.. ഡോക്കിങ്ങ് എന്ന സംഭവത്തെ കുറിച്ച് കുറച്ച് കാര്യങ്ങൾ സൂചിപ്പിക്കട്ടെ.. സാധാരണ കപ്പലുകളെ അപേക്ഷിച്ച് യാത്രാ കപ്പലുകൾ ഓരോ വർഷവും സുരക്ഷാ പരിശോധനകൾ നടത്തി ' "യാത്രാക്കപ്പൽ സുരക്ഷാ സർട്ടിഫിക്കറ്റ്" അല്ലെങ്കിൽ സർട്ടിഫിക്കറ്റ് ' A'  എന്ന സർട്ടിഫിക്കറ്റ് നേടേണ്ടതുണ്ട്.  (നമ്മുടെ കപ്പലുകളിൽ ഓരോ യാത്രക്കും മുന്നോടിയായി MMD സർവ്വയർ നടത്തുന്ന സുരക്ഷാ പരിശോധനയിൽ ലഭിക്കുന്ന സർട്ടിഫിക്കറ്റ്,   ' B' സർട്ടിഫിക്കറ്റ് എന്ന് വിളിക്കുന്നു. )
വാർഷിക സർവ്വേയുടെ ഭാഗമായി കപ്പലിന്റ അടിഭാഗത്തിന്റ വിശദമായ പരിശോധന നടത്തണ്ടതുണ്ട്. അഞ്ചു വർഷത്തിൽ രണ്ടു പ്രാവശ്യം അല്ലെങ്കിൽ ഒരു പ്രാവശ്യം കപ്പലിന്റെ അടിഭാഗത്തിന്റെ പരിശോധന നടത്തപ്പെടുന്നത് ഡ്രൈ ഡോക്കിൽ ആയിരിക്കണം. അല്ലാത്തപ്പോൾ കടലിൽ വെച്ച് തന്നെ മുങ്ങൽ വിദഗ്ദരുടെ സഹായത്താൽ അടിഭാഗത്തിന്റെ CCTV ദൃശ്യങ്ങൾ ചിത്രീകരിച്ച് സർവ്വയർമാർ  പരിശോധന നടത്തുന്നു.
ഡ്രൈ …

അടുക്കള തോട്ടത്തിലെ ഗണിത ശാസ്ത്രം

മാസങ്ങൾക് മുൻപ്‌ ഈ ചെറുപ്പക്കാരൻ കളിയായി തുടങ്ങിയതല്ല ഈ അടുക്കള കൃഷി ; മറിച്ച് തികഞ്ഞ ലക്ഷ്യ ബോധവും കഠിനധ്വാനവും കൊണ്ട്  തന്റെ കൊച്ചു അടുക്കള തോട്ടത്തിൽ വിജയഗാഥ രചിക്കുവാൻ ഈ യുവാവിനു സാധിച്ചു. ഇന്ന് ഇദ്ദേഹത്തിന്റെ തോട്ടത്തിൽ നിന്നും തക്കാളി ,വെണ്ട, കാബാജ്,മുളക് ,വഴുതന ,ചീര ,പയർ തുടങ്ങി ഒരു വിധം വീട്ടാവശ്യത്തിനുള്ള എല്ലാ പച്ചക്കറികളും വിളവെടുക്കാൻ സാധിച്ചിട്ടുണ്ട് .
  അന്ത്രോത്ത് ദ്വീപ്‌ സ്വദേശിയും TGT ഗണിത ശാസ്ത്ര അധ്യാപകനും ആയ മുഹമ്മദ്‌ ഖാസിം എന്ന  ഈ ചെറുപ്പക്കാരന്റെ മാതൃക നമുക്കെല്ലാവര്ക്കും പിന്തുടരാം കഴിയട്ടെ .

ലഹരി വിരുദ്ധ വികാരം ശക്തമാകുന്നു

കൊച്ചി : 14.10.2017:   മഹാ വിപത്തായ ലഹരി ഉപയോഗം ലക്ഷദ്വീപിലും കൂടിവരുന്നതായി റിപ്പോർട്ട് .. ഏതാനും ദിവസങ്ങൾക്ക് മുമ്പ് മദ്യവും കഞ്ചാവുമായി ദ്വീപ് സ്വദേശികൾ കവരത്തിയിൽ പിടിയിലായതോടെ ലഹരിക്കെതിരെ പൊതുജന വികാരം ശക്തിപ്പെട്ടിരിക്കുന്നു .. നിലവിലെ നിയമ പ്രകാരം ബംഗാരം ഒഴികെ ലക്ഷദ്വീപിലെ മുഴുവൻ പ്രദേശങ്ങളും മദ്യ നിരോധിത മേഖലയാണ് .എന്നാൽ വൻകരയിൽ നിന്നും കപ്പലും മഞ്ജുവും വഴി മദ്യവും ലഹരി വസ്തുക്കളും ലക്ഷദ്വീപിലേക്ക് കടത്തുന്നതായി പലപ്പോഴായി ശ്രദ്ധയിൽ പെട്ടിട്ടും അധികാരികളുടെ ഭാഗത്തു നിന്നും ശക്തമായ ഇടപെടലുകൾ ഉണ്ടായിട്ടില്ലെന്ന് ദ്വീപുകാർ ആരോപിക്കുന്നു .. ലക്ഷദ്വീപുകാരായ സാമൂഹ്യ പ്രവർത്തകരും ഉദ്യോഗസ്ഥരും അടങ്ങിയ ലഹരി വിരുദ്ധ സമിതി 08.10.2017 ഞായറാഴ്ച കൊച്ചി ഗാന്ധി നഗറിലെ ലയൺസ് ക്ലബ് ഹാളിൽ വെച്ച് നടത്തിയ യോഗത്തിൽ ലഹരി ഉപയോഗ വിഷയത്തെ സംബന്ധിച്ചും അത് എങ്ങനെ തടയാം എന്നതിനെ കുറിച്ചും ക്രിയാത്മകമായ ചർച്ചകൾ നടത്തുകയുണ്ടായി .. ലഹരി ലക്ഷദ്വീപിലേക്ക് ഒഴുകുന്ന വഴികൾ തടയാൻ അധികാരികളെ സമീപിക്കാനും ലഹരി വിരുദ്ധ ബോധവത്കരണം ദ്വീപുകളിൽ നടത്താനും തീരുമാനമായി. ലഹരിയുമായി ബന്ധപ്പെട്ട കേസുകളിൽ രാഷ്ട്രീയ നേതാക്കൾ …