Skip to main content

ഭാരത സീമ മുഖം മിനുക്കുന്നു ..


      ലക്ഷദ്വീപ് കപ്പൽ വ്യൂഹത്തിലെ മുതു മുത്തശി യായ എം വീ ഭാരത് സീമ മുഖം മിനുക്കുന്നു .രണ്ടു മാസത്തോളമായി കപ്പൽ കൊച്ചിൻ ഷിപ്‌ യാർഡിൽ അറ്റകുറ്റ പണികൾ നടത്തി വരികയാണ്‌ .
     മണ്‍സൂണ്‍ കാലത്ത് ചരക്കുകളും വഹിച്ചു യാത്ര ചെയ്യാൻ നമ്മുടെ ഭാരത സീമ കഴിഞ്ഞേ ഉള്ളു മറ്റു കപ്പലുകൾ . അന്ത്രോത് ദ്വീപുകാർക്ക് മണ്‍സൂണ്‍ കാലം ഭാരത് സീമയെ ഒഴിവാക്കി ചിന്തിക്കാനേ പറ്റില്ല .കാരണം കടൽ മോശമായി കിടക്കുമ്പോൾ അവിടെ യാത്രക്കാരെ ഇറക്കാനും ചരക്കുകൾ കൈകാര്യം ചെയ്യാനും അനുയോജ്യമായ കപ്പൽ ഭാരത സീമ മാത്രമാണ്.
      ലൈറ്റ് ഷിപ്പ് സർവ്വേ യുടെ ഭാഗമായി ഫെബ്രുവരി 14 നാണു ഭാരത് സീമ ടോക്കിൽ കേറിയത്  ലൈറ്റ് ഷിപ്‌ സർവ്വേ പാസായി . എന്നാൽ ടോക്കിൽ വെച്ചുള്ള  കണിശമായ പരിശോധനയിൽ കപ്പലിന്റെ പല ഭാഗത്തെ പ്ലേറ്റ് ന്റെയും  കനം നിശ്ചിത അളവിൽ കുറവുള്ളതായി കണ്ടെത്തുകയായിരുന്നു .അതിനാൽ സംശയമുള്ള എല്ലാ പ്ലേറ്റും അളന്നു തിട്ടപ്പെടുത്താൻ സർവേയർ നിര്ദേശം നല്കി.
       അങ്ങനെ കപ്പലിന്റെ അടിഭാഗത്തെ പ്ലേറ്റുകൾ , മുകൾ ടെക്കിലെ പ്ലേറ്റുകൾ ,അടുക്കള യുടെ ഫ്ലോർ പ്ലേറ്റുകൾ , കപ്പലിന്റെ മുന് ഭാഗത്തെ ടാങ്ക് തുടങ്ങി ബലക്ഷയം ഉള്ള എല്ലാ പ്ലേറ്റുകളും മുറിച്ചു മാറ്റി പുതിയവ ഫിറ്റ് ചെയ്യുന്ന പണി തുടങ്ങി .
       കപ്പലിന്റെ അടിഭാഗത്തെ പ്ലേറ്റുകൾ ഫിറ്റ് /weld ചെയ്തതിനു ശേഷം സർവ്വേ നടത്തുകയും ഏപ്രിൽ 7 ഓടെ കപ്പൽ ടോക്കിൽ നിന്നും പുറത്തിറക്കി . തുടർന്ന് മറ്റു റിപ്പയർ ജോലികൾ നടത്തി വരികയാണ്‌ ഇപ്പോൾ .ഈ ഡോക്ക് മേജർ ഡോക്ക് ആണെന്നും ഇത് മൂലം കപ്പലിന് അഞ്ചു വർഷം കൂടി സർവ്വീസ് നടത്താനുള്ള അനുമതി ലഭിക്കും എന്നുമാണ് കപ്പലുമായി ബന്ധപ്പെട്ട വൃത്തങ്ങൾ സൂചിപ്പിച്ചത് .
    നിലവിലെ സാഹചര്യത്തിൽ ഏപ്രിൽ മാസം അവസാനമോ മെയ് മാസം പകുതിയോടെയോ കപ്പൽ യാത്ര സജ്ജമാകും എന്നാണ് അറിയാൻ കഴിഞ്ഞത് . കാലവർഷത്തിൽ ദ്വീപുകാർക്ക് കൂട്ടായി എത്രയും പെട്ടെന്ന് ഭാരത് സീമ കടന്നു വരട്ടെ എന്ന് നമുക്ക് പ്രത്യാശിക്കാം .

ഭരതസീമയുടെ ചരിത്രം 

     1973 ഇൽ നോർവേ യിൽ ആണ് ഭാരത സീമ നിർമ്മിച്ചത് .  അന്ന് പക്ഷെ കപ്പലിൻറെ പേര് ഭാരത സീമ എന്നായിരുന്നില്ല . ബാസ്ടോ V  എന്ന് പേരുള്ള ഒരു കാർ കാരിയർ ആയിട്ടാണ് ഇന്ന് കാണുന്ന നമ്മുടെ ഭാരത സീമ യുടെ പഴയ കോലം .പിന്നീട് 1981 ഇൽ ടെന്മാർകിൽ വെച്ച് ഒരു യാത്ര ക്കപ്പൽ ആക്കി മാറ്റം വരുത്തി .
   1982  ഇൽ ലക്ഷദ്വീപ് കപ്പൽ വ്യൂഹത്തിൽ ചേരുകയും 27.07.1982  മുതൽ ലക്ഷദ്വീപുകാരെ സേവിക്കാൻ തുടങ്ങുകയും ചെയ്തു .
   ചുരുക്കി പറഞ്ഞാൽ ഒരു 41 വർഷം പഴക്കം കാണും നമ്മുടെ ഭാരത സീമക്ക് . ഭാരത സീമ എന്ന യാത്ര ക്കപ്പൽ ആയിട്ട് 31 വർഷവും . ഇടക്ക് തൊണ്ണൂറുകളുടെ ഇടയിൽ  നന്നായിട്ട് ഒന്ന് കണ്ടീഷൻ ചെയ്തെടുക്കുകയും ചെയ്തതായി കാണാം     എല്ലാ കാലാവസ്ഥയിലും ഓടാൻ പറ്റുന്ന ഭാരത സീമക്ക് 386 യാത്രക്കാരെയും 54 ജീവനക്കാരെയും വഹിക്കാൻ പറ്റും .86.5 മീറ്റെർ നീളം ഉള്ള ഈ കപ്പലിന് 100 മെട്രിക് ടണ്ണ്‍ ചരക്ക്  വഹിക്കുവാൻ ഉള്ള ശേഷിയും ഉണ്ട് .
    മണ്‍സൂണ്‍ സമയത്ത് ഭാരത സീമ അന്ത്രോത് ദ്വീപുകാർക്ക്  വളരെയധികം ഉപകാരമാണ് ചെയ്യുന്നത് .  വെള്ളത്തിൽ നിന്നും 1.3 മീറ്റെർ മുകളിലയാണ് ഈ കപ്പലിന്റെ എംബാർക്കെഷൻ ഡോർ . അത് കാരണം മറ്റു  കപ്പലുകളെ അപേക്ഷിച്ച് യാത്രക്കാർക്ക് എളുപ്പത്തിൽ  കയറി ഇറങ്ങുവാൻ സാധിക്കുന്നു .പിറകിലേക്ക് തുറക്കുന്ന റാമ്പ് ഡോർ സംവിധാനം ഉള്ളത് ചരക്കു നീക്കവും എളുപ്പത്തിലാക്കുന്നു .
        2004 വരെ ലക്ഷദ്വീപ് ഭരണ കൂടത്തിനു വേണ്ടി SCI ആണ് ഭാരത സീമ ഓടിച്ചത് . തുടർന്ന് ഭാരത സീമയുടെ ഭരണം LDCL ഏറ്റെടുത്തു .
     നിലവിൽ കപ്പലിന്റെ വാർഷിക സർട്ടിഫിക്കറ്റ് ജനുവരി മാസത്തോടെ കാലാവധി തീർന്നു കിടക്കുകയാണ് . ഇപ്പോൾ നടത്തുന്ന അറ്റകുറ്റപണികൾ കഴിഞ്ഞാൽ സർവ്വേ നടത്തി പുതിയ വാർഷിക സർട്ടിഫിക്കറ്റ് നൽകപ്പെടും . ശേഷം കൂടുതൽ കരുത്തോടെ ഭാരതസീമ  ദ്വീപുകാരെ സേവിക്കാൻ എത്തട്ടെ എന്ന് ആശംസിച്ചു കൊണ്ട് നിർത്തുന്നു .
!!ഏതെങ്കിലും തെറ്റുകൾ ഉണ്ടെങ്കിൽ വായനക്കാർ ചൂണ്ടിക്കാണിക്കുക .!!

Comments

Post a Comment

Popular posts from this blog

ഡ്രൈ ഡോക്കിംഗിനെ കുറിച്ച്...

ലക്ഷദ്വീപിലെ യാത്രാ പ്രശ്നങ്ങൾ ചർച്ചയിൽ  വരുമ്പോഴും അല്ലാത്തപ്പോഴും എല്ലാം ഇടക്കിടെ നമ്മൾ ഉപയോഗിക്കുന്ന വാക്കുകളാണ്  ' ആ കപ്പൽ ഡോക്കിലാണ്' അല്ലെങ്കിൽ ഡോക്കീന്നിറങ്ങി എന്നെല്ലാം.. ഡോക്കിങ്ങ് എന്ന സംഭവത്തെ കുറിച്ച് കുറച്ച് കാര്യങ്ങൾ സൂചിപ്പിക്കട്ടെ.. സാധാരണ കപ്പലുകളെ അപേക്ഷിച്ച് യാത്രാ കപ്പലുകൾ ഓരോ വർഷവും സുരക്ഷാ പരിശോധനകൾ നടത്തി ' "യാത്രാക്കപ്പൽ സുരക്ഷാ സർട്ടിഫിക്കറ്റ്" അല്ലെങ്കിൽ സർട്ടിഫിക്കറ്റ് ' A'  എന്ന സർട്ടിഫിക്കറ്റ് നേടേണ്ടതുണ്ട്.  (നമ്മുടെ കപ്പലുകളിൽ ഓരോ യാത്രക്കും മുന്നോടിയായി MMD സർവ്വയർ നടത്തുന്ന സുരക്ഷാ പരിശോധനയിൽ ലഭിക്കുന്ന സർട്ടിഫിക്കറ്റ്,   ' B' സർട്ടിഫിക്കറ്റ് എന്ന് വിളിക്കുന്നു. )
വാർഷിക സർവ്വേയുടെ ഭാഗമായി കപ്പലിന്റ അടിഭാഗത്തിന്റ വിശദമായ പരിശോധന നടത്തണ്ടതുണ്ട്. അഞ്ചു വർഷത്തിൽ രണ്ടു പ്രാവശ്യം അല്ലെങ്കിൽ ഒരു പ്രാവശ്യം കപ്പലിന്റെ അടിഭാഗത്തിന്റെ പരിശോധന നടത്തപ്പെടുന്നത് ഡ്രൈ ഡോക്കിൽ ആയിരിക്കണം. അല്ലാത്തപ്പോൾ കടലിൽ വെച്ച് തന്നെ മുങ്ങൽ വിദഗ്ദരുടെ സഹായത്താൽ അടിഭാഗത്തിന്റെ CCTV ദൃശ്യങ്ങൾ ചിത്രീകരിച്ച് സർവ്വയർമാർ  പരിശോധന നടത്തുന്നു.
ഡ്രൈ …

അടുക്കള തോട്ടത്തിലെ ഗണിത ശാസ്ത്രം

മാസങ്ങൾക് മുൻപ്‌ ഈ ചെറുപ്പക്കാരൻ കളിയായി തുടങ്ങിയതല്ല ഈ അടുക്കള കൃഷി ; മറിച്ച് തികഞ്ഞ ലക്ഷ്യ ബോധവും കഠിനധ്വാനവും കൊണ്ട്  തന്റെ കൊച്ചു അടുക്കള തോട്ടത്തിൽ വിജയഗാഥ രചിക്കുവാൻ ഈ യുവാവിനു സാധിച്ചു. ഇന്ന് ഇദ്ദേഹത്തിന്റെ തോട്ടത്തിൽ നിന്നും തക്കാളി ,വെണ്ട, കാബാജ്,മുളക് ,വഴുതന ,ചീര ,പയർ തുടങ്ങി ഒരു വിധം വീട്ടാവശ്യത്തിനുള്ള എല്ലാ പച്ചക്കറികളും വിളവെടുക്കാൻ സാധിച്ചിട്ടുണ്ട് .
  അന്ത്രോത്ത് ദ്വീപ്‌ സ്വദേശിയും TGT ഗണിത ശാസ്ത്ര അധ്യാപകനും ആയ മുഹമ്മദ്‌ ഖാസിം എന്ന  ഈ ചെറുപ്പക്കാരന്റെ മാതൃക നമുക്കെല്ലാവര്ക്കും പിന്തുടരാം കഴിയട്ടെ .

ലഹരി വിരുദ്ധ വികാരം ശക്തമാകുന്നു

കൊച്ചി : 14.10.2017:   മഹാ വിപത്തായ ലഹരി ഉപയോഗം ലക്ഷദ്വീപിലും കൂടിവരുന്നതായി റിപ്പോർട്ട് .. ഏതാനും ദിവസങ്ങൾക്ക് മുമ്പ് മദ്യവും കഞ്ചാവുമായി ദ്വീപ് സ്വദേശികൾ കവരത്തിയിൽ പിടിയിലായതോടെ ലഹരിക്കെതിരെ പൊതുജന വികാരം ശക്തിപ്പെട്ടിരിക്കുന്നു .. നിലവിലെ നിയമ പ്രകാരം ബംഗാരം ഒഴികെ ലക്ഷദ്വീപിലെ മുഴുവൻ പ്രദേശങ്ങളും മദ്യ നിരോധിത മേഖലയാണ് .എന്നാൽ വൻകരയിൽ നിന്നും കപ്പലും മഞ്ജുവും വഴി മദ്യവും ലഹരി വസ്തുക്കളും ലക്ഷദ്വീപിലേക്ക് കടത്തുന്നതായി പലപ്പോഴായി ശ്രദ്ധയിൽ പെട്ടിട്ടും അധികാരികളുടെ ഭാഗത്തു നിന്നും ശക്തമായ ഇടപെടലുകൾ ഉണ്ടായിട്ടില്ലെന്ന് ദ്വീപുകാർ ആരോപിക്കുന്നു .. ലക്ഷദ്വീപുകാരായ സാമൂഹ്യ പ്രവർത്തകരും ഉദ്യോഗസ്ഥരും അടങ്ങിയ ലഹരി വിരുദ്ധ സമിതി 08.10.2017 ഞായറാഴ്ച കൊച്ചി ഗാന്ധി നഗറിലെ ലയൺസ് ക്ലബ് ഹാളിൽ വെച്ച് നടത്തിയ യോഗത്തിൽ ലഹരി ഉപയോഗ വിഷയത്തെ സംബന്ധിച്ചും അത് എങ്ങനെ തടയാം എന്നതിനെ കുറിച്ചും ക്രിയാത്മകമായ ചർച്ചകൾ നടത്തുകയുണ്ടായി .. ലഹരി ലക്ഷദ്വീപിലേക്ക് ഒഴുകുന്ന വഴികൾ തടയാൻ അധികാരികളെ സമീപിക്കാനും ലഹരി വിരുദ്ധ ബോധവത്കരണം ദ്വീപുകളിൽ നടത്താനും തീരുമാനമായി. ലഹരിയുമായി ബന്ധപ്പെട്ട കേസുകളിൽ രാഷ്ട്രീയ നേതാക്കൾ …