Skip to main content

പരിഹാരം ഇല്ലേ?

അറബിക്കടലിൽ ചിതറിക്കിടക്കുന്ന ദ്വീപ്‌ സമൂഹം ആണല്ലോ ലക്ഷദ്വീപ് . ഭൂമി ശാസ്ത്രപരമായി ഒറ്റപ്പെട്ടു കിടക്കുന്ന ഈ ദ്വീപ്‌ സമൂഹത്തെ ഉന്നതിയിൽ എത്തിക്കാൻ വിവിധ പദ്ധതികൾ നടന്നു വരുന്നു . എന്നാൽ ഇന്ത്യ മഹാരാജ്യത്തിലെ ഈ കേന്ദ്ര ഭരണ പ്രദേശം ഇന്നും അതിന്റെ വികസനത്തിന്റെ പടവുകളിൽ ഇടറുന്ന പാദവും കൊണ്ട് നടക്കാൻ പഠിക്കുകയാണ് .
     അടിസ്ഥാന സൌകര്യങ്ങളിൽ പലതും പാവങ്ങൾക്ക് കിട്ടാക്കനിയായി നാളുകൾ പിന്നിടുന്നു . 
      രോഗികൾക് നാട്ടിൽ ചികിത്സ ഇല്ല . പോട്ടെ ലക്ഷദ്വീപിന്റെ തലസ്ഥാനത്ത് ചികിത്സയുണ്ടോ ? ഇല്ലെങ്കിലെന്താ രോഗി സീരിയസ് ആണേൽ കൊച്ചിയിലേക്ക് പറക്കാൻ ഹെലികോപ്ടർ റെഡി !! 
       പക്ഷെ കൊച്ചിയിൽ നിന്നും രോഗിയെ ഹെലികോപ്ടറിൽ ദ്വീപിൽ കൊണ്ട് വരാൻ തടസ്സം എന്താണ് ?
      ആ സമയത്ത് കോപ്ടർ കൊച്ചിയിൽ ഉണ്ടാവണം എന്ന് മാത്രം ...
      എന്റെ മനസിനെ വല്ലാതെ ഉലച്ച സംഭവം പറയാം..
 ഈ കഴിഞ്ഞ 20 .05. 13 നു കപ്പൽ ഭാരത സീമയിൽ വെച്ചുണ്ടായ ആ സംഭവം ദ്വീപുകാരന് ചിന്തക്കുള്ള വക നല്കുന്നതാണ് .
    അന്ന് അഗത്തി ദ്വീപിലേക് പോവാൻ പ്രോഗ്രാം ചെയ്ത കപ്പലിൽ ഒരു രോഗിയെ അഗത്തിയിൽ എത്തിക്കണം എന്ന് ആവശ്യം വന്നു . രോഗി ആശുപത്രിയിൽ ചികിത്സ തേടി എത്തിയതായിരുന്നു .പക്ഷേ ആശുപത്രി ഉപദേശിച്ചു രോഗിയെ നാട്ടിൽ എത്തിച്ചോളൂ  , അവർക്ക്‌ രോഗിയിൽ പ്രതീക്ഷ ഇല്ല . രോഗി സീരിയസ് ആണ് . സാധാരണക്കാരായ ആ രോഗിയുടെ ബന്ധുക്കൾ കൊച്ചിയിൽ നിന്നും അഗത്തിയിൽ എത്താൻ ഹെലികോപ്ടർ കിട്ടുമോ എന്ന് അന്വേഷിച്ചിരുന്നു . എന്നാൽ കോപ്ടർ കൊച്ചിയിൽ ഇല്ല അതുകൊണ്ട് കപ്പലിൽ പോയാൽ മതി എന്ന് വേണ്ടപ്പെട്ടവർ അറിയിച്ചു .അങ്ങനെ ആ രോഗിയെ ഭാരത സീമയിൽ കൊണ്ട് വന്നു . കപ്പലിൽ വേണ്ടത്ര ഒക്സിജൻ സിലിണ്ടെർ ഇല്ലന്നു അറിയിച്ചപ്പോൾ പെട്ടന്ന് രണ്ടു മൂന്നു ഒക്സിജൻ സിലിണ്ടർ കപ്പലിൽ എത്തിച്ചു . അങ്ങനെ രോഗിയെ കപ്പലിൽ കേറ്റി . അന്ന് കപ്പൽ യാത്ര തുടങ്ങിയത് വൈകുന്നേരം 7 മണി കഴിഞ്ഞായിരുന്നു . പിറ്റേ ദിവസം വൈകുന്നേരം 5 മണി എങ്കിലും ആവും അഗത്തി ദ്വീപ്‌ എത്തുവാൻ . കടൽ ഇത്തിരി മോശം ആയിരുന്നു .മിന്നലുണ്ട് ..കാറ്റും.. രാത്രി 9 : 30 ആയപ്പോൾ ആ രോഗി ഇഹലോക വാസം വെടിഞ്ഞു . ഒടുവിൽ കപ്പൽ കല്പേനി ദ്വീപിലേക്ക് തിരിച്ചു രാവിലെ 9 മണി ആയപ്പോൾ കല്പേനി എത്തി .അവിടെ ആ ശരീരം ബന്ധുക്കളെയും കൂടെ ഇറക്കി .കപ്പൽ അഗത്തി ദ്വീപിലേക്ക് തിരിച്ചു .
        കൊച്ചിയിൽ നിന്നും ഹെലികോപ്ടർ കിട്ടിയിരുന്നെങ്കിൽ ഒരു പക്ഷെ ആ രോഗിയെ മണിക്കൂറുകൾക്കകം അഗത്തിയിൽ എത്തിക്കാമായിരുന്നു . അതിനു ആരും ശ്രമിച്ചില്ല .
         ആവശ്യക്കാരൻ ഏതെങ്കിലും ഉയർന്ന ആളുകൾ ആണെങ്കിൽ ഹെലികോപ്ടർ കൊച്ചിയിൽ നിന്നല്ല കന്യാകുമാരിയിൽ നിന്ന് പറക്കുമായിരുന്നു .ഇതിനു ദിവസങ്ങൾക് മുമ്പായിരുന്നു ബോട്ട് ദുരന്തം .എന്നിട്ടും ആരും പഠിച്ചില്ല .ദ്വീപുകാരന് വേണ്ടി ഉണ്ടാക്കിയ ആംബുലൻസ് സേവനമായ ഹെലികോപ്ടർ സർവ്വീസ് അവന്റെ ആവശ്യത്തിനു പരിഹാരം കാണാതെ അന്യം നിന്ന് പോവുമ്പോൾ നാട്ടുകാരെ നിങ്ങൾ പറയൂ .. വികസനം കൊണ്ട് നാം എന്താണ് ഉദ്ദേശിക്കുന്നത്?

Comments

Popular posts from this blog

ഡ്രൈ ഡോക്കിംഗിനെ കുറിച്ച്...

ലക്ഷദ്വീപിലെ യാത്രാ പ്രശ്നങ്ങൾ ചർച്ചയിൽ  വരുമ്പോഴും അല്ലാത്തപ്പോഴും എല്ലാം ഇടക്കിടെ നമ്മൾ ഉപയോഗിക്കുന്ന വാക്കുകളാണ്  ' ആ കപ്പൽ ഡോക്കിലാണ്' അല്ലെങ്കിൽ ഡോക്കീന്നിറങ്ങി എന്നെല്ലാം.. ഡോക്കിങ്ങ് എന്ന സംഭവത്തെ കുറിച്ച് കുറച്ച് കാര്യങ്ങൾ സൂചിപ്പിക്കട്ടെ.. സാധാരണ കപ്പലുകളെ അപേക്ഷിച്ച് യാത്രാ കപ്പലുകൾ ഓരോ വർഷവും സുരക്ഷാ പരിശോധനകൾ നടത്തി ' "യാത്രാക്കപ്പൽ സുരക്ഷാ സർട്ടിഫിക്കറ്റ്" അല്ലെങ്കിൽ സർട്ടിഫിക്കറ്റ് ' A'  എന്ന സർട്ടിഫിക്കറ്റ് നേടേണ്ടതുണ്ട്.  (നമ്മുടെ കപ്പലുകളിൽ ഓരോ യാത്രക്കും മുന്നോടിയായി MMD സർവ്വയർ നടത്തുന്ന സുരക്ഷാ പരിശോധനയിൽ ലഭിക്കുന്ന സർട്ടിഫിക്കറ്റ്,   ' B' സർട്ടിഫിക്കറ്റ് എന്ന് വിളിക്കുന്നു. )
വാർഷിക സർവ്വേയുടെ ഭാഗമായി കപ്പലിന്റ അടിഭാഗത്തിന്റ വിശദമായ പരിശോധന നടത്തണ്ടതുണ്ട്. അഞ്ചു വർഷത്തിൽ രണ്ടു പ്രാവശ്യം അല്ലെങ്കിൽ ഒരു പ്രാവശ്യം കപ്പലിന്റെ അടിഭാഗത്തിന്റെ പരിശോധന നടത്തപ്പെടുന്നത് ഡ്രൈ ഡോക്കിൽ ആയിരിക്കണം. അല്ലാത്തപ്പോൾ കടലിൽ വെച്ച് തന്നെ മുങ്ങൽ വിദഗ്ദരുടെ സഹായത്താൽ അടിഭാഗത്തിന്റെ CCTV ദൃശ്യങ്ങൾ ചിത്രീകരിച്ച് സർവ്വയർമാർ  പരിശോധന നടത്തുന്നു.
ഡ്രൈ …

അടുക്കള തോട്ടത്തിലെ ഗണിത ശാസ്ത്രം

മാസങ്ങൾക് മുൻപ്‌ ഈ ചെറുപ്പക്കാരൻ കളിയായി തുടങ്ങിയതല്ല ഈ അടുക്കള കൃഷി ; മറിച്ച് തികഞ്ഞ ലക്ഷ്യ ബോധവും കഠിനധ്വാനവും കൊണ്ട്  തന്റെ കൊച്ചു അടുക്കള തോട്ടത്തിൽ വിജയഗാഥ രചിക്കുവാൻ ഈ യുവാവിനു സാധിച്ചു. ഇന്ന് ഇദ്ദേഹത്തിന്റെ തോട്ടത്തിൽ നിന്നും തക്കാളി ,വെണ്ട, കാബാജ്,മുളക് ,വഴുതന ,ചീര ,പയർ തുടങ്ങി ഒരു വിധം വീട്ടാവശ്യത്തിനുള്ള എല്ലാ പച്ചക്കറികളും വിളവെടുക്കാൻ സാധിച്ചിട്ടുണ്ട് .
  അന്ത്രോത്ത് ദ്വീപ്‌ സ്വദേശിയും TGT ഗണിത ശാസ്ത്ര അധ്യാപകനും ആയ മുഹമ്മദ്‌ ഖാസിം എന്ന  ഈ ചെറുപ്പക്കാരന്റെ മാതൃക നമുക്കെല്ലാവര്ക്കും പിന്തുടരാം കഴിയട്ടെ .

ലഹരി വിരുദ്ധ വികാരം ശക്തമാകുന്നു

കൊച്ചി : 14.10.2017:   മഹാ വിപത്തായ ലഹരി ഉപയോഗം ലക്ഷദ്വീപിലും കൂടിവരുന്നതായി റിപ്പോർട്ട് .. ഏതാനും ദിവസങ്ങൾക്ക് മുമ്പ് മദ്യവും കഞ്ചാവുമായി ദ്വീപ് സ്വദേശികൾ കവരത്തിയിൽ പിടിയിലായതോടെ ലഹരിക്കെതിരെ പൊതുജന വികാരം ശക്തിപ്പെട്ടിരിക്കുന്നു .. നിലവിലെ നിയമ പ്രകാരം ബംഗാരം ഒഴികെ ലക്ഷദ്വീപിലെ മുഴുവൻ പ്രദേശങ്ങളും മദ്യ നിരോധിത മേഖലയാണ് .എന്നാൽ വൻകരയിൽ നിന്നും കപ്പലും മഞ്ജുവും വഴി മദ്യവും ലഹരി വസ്തുക്കളും ലക്ഷദ്വീപിലേക്ക് കടത്തുന്നതായി പലപ്പോഴായി ശ്രദ്ധയിൽ പെട്ടിട്ടും അധികാരികളുടെ ഭാഗത്തു നിന്നും ശക്തമായ ഇടപെടലുകൾ ഉണ്ടായിട്ടില്ലെന്ന് ദ്വീപുകാർ ആരോപിക്കുന്നു .. ലക്ഷദ്വീപുകാരായ സാമൂഹ്യ പ്രവർത്തകരും ഉദ്യോഗസ്ഥരും അടങ്ങിയ ലഹരി വിരുദ്ധ സമിതി 08.10.2017 ഞായറാഴ്ച കൊച്ചി ഗാന്ധി നഗറിലെ ലയൺസ് ക്ലബ് ഹാളിൽ വെച്ച് നടത്തിയ യോഗത്തിൽ ലഹരി ഉപയോഗ വിഷയത്തെ സംബന്ധിച്ചും അത് എങ്ങനെ തടയാം എന്നതിനെ കുറിച്ചും ക്രിയാത്മകമായ ചർച്ചകൾ നടത്തുകയുണ്ടായി .. ലഹരി ലക്ഷദ്വീപിലേക്ക് ഒഴുകുന്ന വഴികൾ തടയാൻ അധികാരികളെ സമീപിക്കാനും ലഹരി വിരുദ്ധ ബോധവത്കരണം ദ്വീപുകളിൽ നടത്താനും തീരുമാനമായി. ലഹരിയുമായി ബന്ധപ്പെട്ട കേസുകളിൽ രാഷ്ട്രീയ നേതാക്കൾ …