ജസരി ന്യൂസ് ലൈൻ

11 .11 .2021 : കവരത്തി  കോവിഡ് നിയന്ത്രണങ്ങളിൽ ഇളവുകൾ നൽകി കൊണ്ട് ലക്ഷദ്വീപ് കളക്ടർ അസ്‌കർ അലി ഉത്തരവ് ഇറക്കി .ഇനി മുതൽ കോവിഡ് വാക്‌സിനേഷൻ രണ്ടു ഡോസും പൂർത്തിയാക്കിയവർക്ക് വൻകരയിൽ നിന്നും ദ്വീപുകളിലേക്കും ദ്വീപുകൾക്കിടയിലും യാത്ര ചെയ്യാൻ RTPCR പരിശോധന ഫലമോ നിർബന്ധിത ക്വാറന്റൈനോ ആവശ്യമില്ല .യാത്രക്ക് പതിനാലു ദിവസം മുമ്പേ രണ്ടു ഡോസും പൂർത്തിയാക്കിയവർക്കാണ് ഇളവുകൾ .  വാക്‌സിൻ ഡോസ് പൂർത്തിയാക്കാത്തവർക്ക് യാത്രക്ക് മുമ്പ് 48 മണിക്കൂരിനുള്ളിൽ ഉള്ള  കോവിഡ് പരിശോധന ഫലവും നാട്ടിൽ എത്തുമ്പോൾ ഉള്ള  മൂന്നു ദിവസത്തെ ക്വാറന്റൈൻ നിയമവും നിലനിർത്തിയിട്ടുണ്ട് . എന്നാൽ 18 വയസ്സിൽ താഴെ പ്രായമുള്ള കുട്ടികളുടെ കാര്യത്തിൽ ഉത്തരവിൽ വ്യക്തത വരുത്തിയിട്ടില്ല .  ലക്ഷദ്വീപിൽ നിലവിൽ കോവിഡ് രോഗികൾ ആരും തന്നെ ഇല്ല .മാത്രമല്ല ഒക്ടോബർ 16 നു ശേഷം പുതിയ കേസ് കൾ റിപ്പോർട്ട് ചെയ്തിട്ടുമില്ല . വാക്‌സിനേഷൻ 100 ശതമാനത്തോളം പൂർത്തിയാക്കുകയും ചെയ്തിട്ടുണ്ട് ഈ പശ്ചാത്തലത്തിൽ ആണ് എസ് ഓ പി യിൽ മാറ്റം വരുത്തി കൊണ്ട് ലക്ഷദ്വീപ് ഭരണകൂടം ഉത്തരവ് ഇറക്കിയിരിക്കുന്നത് .അന്തർ സംസ്ഥാന യാത്രകളിൽ രണ്ടു ഡോസ് എടുത്തവർക്ക് കോവിഡ് പരിശോധന ഫലം

10 .11.2021   : കവരത്തി :   ഇടവേളക്ക് ശേഷം ശക്തിയാർജ്ജിക്കുകയാണ് ലക്ഷദ്വീപ് പ്രക്ഷോപങ്ങൾ . ലക്ഷദ്വീപ് അഡ്മിനിസ്ട്രേറ്റർ പ്രഫുൽ കോട പട്ടേൽ തുടരുന്ന ജനദ്രോഹ നടപടികളിൽ അളമുട്ടിയിരിക്കുന്ന ലക്ഷദ്വീപ് ജനങ്ങളിൽ ഇടിത്തീ പോലെ കപ്പൽ യാത്ര ടിക്കറ്റ് നിരക്ക് വർദ്ധനവ് ഉത്തരവ് ഇറങ്ങിയതിനു പിന്നാലെ തെരുവിലേക്ക് സമരവുമായി ഇറങ്ങിയിരിക്കുകയാണ് ലക്ഷദ്വീപിലെ പ്രമുഖ രാഷ്ട്രീയ പാർട്ടികളും ജനങ്ങളും .  നവംബർ പത്തു മുതൽ കപ്പൽ യാത്ര ടിക്കറ്റ് , അതിവേഗയാന യാത്ര ടിക്കറ്റ് , എയർ ആംബുലൻസ് ആയ ഹെലികോപ്റ്റർ  യാത്ര ടിക്കറ്റ് , ലക്ഷദ്വീപിലേക്കുള്ള അവശ്യ സാധനങ്ങൾ കയറ്റുമ്പോൾ ഉള്ള കാർഗോ ടിക്കറ്റ് തുടങ്ങിയവയിൽ വൻ വർദ്ധനവ് ആണ് ലക്ഷദ്വീപ് ഭരണകൂടം ഇപ്പോൾ പ്രഖ്യാപിച്ചിരിക്കുന്നത് . കപ്പൽ നടത്തിപ്പിലെ ചെലവ് കാരണമാണ് ടിക്കറ്റ് നിരക്ക് വർദ്ധനവ്  എന്നാണ് ന്യായീകരണം . എന്നാൽ ലക്ഷദ്വീപിൽ അഡ്മിനിസ്ട്രേറ്റർ പ്രഫുൽ കോട പട്ടേലിന്റെ ജനദ്രോഹപരമായ നിലപാടുകളുടെ തുടർച്ചയായാണ് ലക്ഷദ്വീപ് ജനങ്ങൾ ഇതിനെ നോക്കി കാണുന്നത്. തൊഴിലുകളിൽ നിന്ന് പിരിച്ചു വിട്ടും ഉദ്യോഗസ്ഥരിൽ സമ്മർദ്ദം ചെലുത്തിയും ജീവിധോപാതികളിൽ കൈവെച്ചും ചെലവേറിയ കൂറ്റൻ ജയിൽ നിര്മാണത്