ജസരി ന്യൂസ് ലൈൻ

22.07.14: കൊച്ചി : ലക്ഷദ്വീപ് സീമൻ വെൽഫയർ അസോസിയേഷൻ സംഘടിപ്പിച്ച നാലാമത് ഇഫ്താർ സംഗമം കൊച്ചിയിലെ പ്രമുഘ ഹോട്ടൽ ആയ ട്രാവന്കൊർ കോർട്ടിൽ വെച്ച് നടത്തപ്പെട്ടു. മുഖ്യ അതിഥികൾ  ആയി ലക്ഷദ്വീപ് എം .പി ശ്രീ പീ പീ മുഹമ്മദ്‌ ഫൈസലും എറണാകുളം ജില്ല കളക്ടർ ശ്രീ .രാജമാണിക്യം ഐ .എ .എസ് ഉം സംബന്ധിച്ചു .       ലക്ഷദ്വീപിന്റെ നാഡി സ്പന്ദനമായ ഗതാഗത രംഗം പരിപോഷിപ്പിക്കാൻ കൂട്ടായ പ്രവർത്തനങ്ങളിലൂടെ മുന്നോട്ട് പോകാമെന്നു  കപ്പൽ ജീവനക്കാരെ അഭിസംബോധന ചെയ്തു കൊണ്ട് ബഹുമാനപ്പെട്ട എം.പി പറഞ്ഞു . ലക്ഷദ്വീപിന്റെ ദീർഘ കാല ആവശ്യമായ മയ്യിത്ത് മറവു ചെയ്യാനുള്ള സ്ഥലം അനുവദിക്കാനുള്ള നടപടികൾ ത്വരിതപ്പെടുത്തുമെന്നു എറണാകുളം ജില്ലാ കലക്ടർ അറിയിച്ചു .       ചടങ്ങിൽ എൽ .ഡി .സി .എൽ സൂപ്രണ്ട് മാർ , മറ്റു ജീവനക്കാർ, പോർട്ട്‌ ഹെൽത്ത് ഓഫീസർ ശ്രീ അഷ്‌റഫ്‌ , വിവിധ കപ്പലുകളിലെ ജീവനക്കാർ തുടങ്ങി നിരവധി പേർ പങ്കെടുത്തു .

 20.07.2014 : കൊച്ചി :  പെരുന്നാളിനു ദ്വീപുകാരെ സേവിക്കാൻ എത്തുമെന്നായിരുന്നു കരുതിയിരുന്നത് , പക്ഷെ ഇനിയും കാത്തിരിക്കേണ്ടി വരുമെന്നാണ് സൂചന . നമ്മുടെ കപ്പൽ എം  വീ  കോറൽ ജൂലായ്‌ മാസം 15 നു കൊളംബോ കപ്പൽ ശാല അധിക്ര്തരിൽ  നിന്നും ഏറ്റെടുക്കുവാൻ ആണ് നിശ്ചയിച്ചിരുന്നത്   . അതിനായി കപ്പൽ ജീവനക്കാരുടെ ഒരു സംഘം ഈ മാസം 11 നു ശ്രീ ലങ്കയിൽ എത്തിയിരുന്നു. എന്നാൽ കപ്പലിലെ വിശദ പരിശോധനയിൽ സാങ്കേതികമായ ചില തകരാറുകൾ കണ്ടെത്തിയതിനാൽ അവ പരിഹരിച്ചതിന് ശേഷം മാത്രമേ ലക്ഷദ്വീപ് ഭരണകൂടവും LDCL ഉം കപ്പൽ ഏറ്റെടുക്കുകയുള്ളൂ . ചുരുങ്ങിയത് രണ്ടാഴ്ച്ച എങ്കിലും വേണ്ടി വരും ഇവ പരിഹരിക്കുവാൻ എന്ന് കപ്പലുമായി ബന്ധപ്പെട്ടവർ അറിയിച്ചു . കപ്പൽ ഏറ്റെടുക്കുവാൻ പോയ സംഘം ഇന്ന് വൈകുന്നേരം കൊച്ചിയിൽ വിമാനമിറങ്ങി .

    ഒരു കാലത്ത് കപ്പലുകളിലെ ജോലിക്കാരെ കൌതുകത്തോടെ വീക്ഷിച്ചവരായിരുന്നു ലക്ഷദ്വീപുകാർ . എന്നാൽ ഇന്ന് നമ്മുടെ കപ്പലുകളിൽ സകല മേഘലകളിലും ദ്വീപുകാർ സാന്നിധ്യം അറിയിച്ചു കഴിഞ്ഞിരിക്കുന്നു . കഷ്ടപ്പാടും സാഹസികതയും നിറഞ്ഞ നാവിക തൊഴിൽ മേഘലയിലേക്ക് ലക്ഷദ്വീപുകാർ കൂട്ടം കൂട്ടമായി വരുന്ന കാഴ്ചയാണ് ഈ വർഷങ്ങളിൽ നാം സാക്ഷ്യം വഹിക്കുന്നത് .      വൈറ്റ് കോളർ ജോലികൾ കാത്തിരിക്കാതെ കപ്പലിൽ ജോലി തേടി ദ്വീപിലെ യുവാക്കൾ  ജനറൽ പർപസ് റേറ്റഇങ്ങ് , നോട്ടിക്കൽ  സയൻസ് , മറൈൻ എന്ജിനീയറിംഗ് തുടങ്ങിയ കോഴ്സുകൾ പാസ്സായി കപ്പലിൽ കേറുകയും ചെയ്യുന്നു .      ഇന്ന് അഞ്ഞൂറിലധികം ദ്വീപുകാർ ലക്ഷദ്വീപിലെ കപ്പലുകളിൽ ജോലി ചെയ്യുന്നു . അതിൽ തന്നെ ക്രൂ വിഭാഗം LDCL  വഴി നേരിട്ടുള്ള നിയമനത്തിലും ഓഫീസർ വിഭാഗം മൂന്നാം കക്ഷിയായ മാനിംഗ് ഏജൻസി വഴിയും ജോലി ചെയ്യുന്നു .     സീമൻ ,ബോസൻ , ഫിറ്റർ ,കുക്ക് ,കാറ്റെരിംഗ് ഓഫീസർ എന്നീ വിഭാഗങ്ങളിൽ ദ്വീപുകാർ മാത്രം ആയതിനാൽ LDCL നേരിട്ടാണ് നിയമനം . എലെക്റ്റ്രിക്കൽ ഓഫീസർ , റേഡിയോ ഓഫീസർ എന്നീ തസ്തികകളിലും ദ്വീപുകാർ ഫുള്ളായി കഴിഞ്ഞ...

കൊച്ചി :  കേരളത്തിൽ AIIMS സ്ഥാപിക്കുന്നതിന് നു വേണ്ടി സ്ഥലം കണ്ടെത്തുന്നതിന്റെ ഭാഗമായി കൊച്ചി കളമശ്ശേരി എച് .എം . ടി ഭൂമിയും പരിഗണനയിൽ . വിദഗ്ദരുടെ അഭിപ്രായ പ്രകാരം എല്ലാം കൊണ്ടും നല്ല സ്ഥലമാണ്‌ കൊച്ചിയിൽ AIIMS  സ്ഥാപിക്കുന്നത്.        കൂടാതെ തന്നെ ലക്ഷദ്വീപുകാർ ചികിത്സക്ക് പ്രധാനമായും എത്തുന്നത് കൊച്ചിയിലും .       ലക്ഷദ്വീപ് എം . പി യുടെ അഭിപ്രായം അനുസരിച്ച് 60 മുതൽ 70 ശതമാനം വരുന്ന ദ്വീപുകാർ ചികിത്സക്കായി കൊച്ചിയെ ആശ്രയിക്കുന്നു.   "  എയിംസ് കൊച്ചിയിൽ കൊണ്ടുവരാനുള്ള പ്രപോസൽ ഞാൻ പിന്തുണയ്ക്കുന്നു.ലക്ഷദ്വീപുകാർക്കു ചികിത്സ തേടിയെത്താൻ അനുയോജ്യം ഇവിടെയാണ്. ഇപ്പോൾ അധികം ദ്വീപുകാരും ചികിത്സ തേടി എത്തുന്നത്‌ ജനറൽ ആശുപത്രിയിലും മറ്റു സ്വകാര്യ ആശുപത്രികളിലും ആണ് "  അദ്ദേഹം പറയുന്നു.  ( Courtsey : THE NEW INDIAN EXPRESS,  17th July 2014 ) 

04.07.14 : ലക്ഷദ്വീപ് നിയോജക മണ്ഡലത്തിലെ എം. പി ശ്രീ. മുഹമ്മദ്‌ ഫൈസൽ തന്റെ പെഴ്സണൽ സ്റ്റാഫിനെ നിയമിച്ചു കൊണ്ട് സർക്കുലർ പുറത്തിറക്കി. എം പി ഓഫീസ് കവരത്തിയിൽ തയ്യാറാവുന്നു . എം പി യുടെ പെഴ്സണൽ സ്റ്റാഫ്‌ അംഗങ്ങൾ : 1. ശ്രീ . സെയ്ദ് ഹാമിദ് ചെറിയകോയ. ടി       തെച്ചേരി ഹൌസ് , കവരത്തി .    മൊബൈൽ : 9447730736  2. ശ്രീ.മുഹമ്മദ്‌ ഇർഫാൻ എം .പി      മാടല പുര ഹൌസ് ,അമിനി      മൊബൈൽ  :  9496960521    3.ശ്രീ . മുഹമ്മദ്‌ സിയാദ് പി.പി      പുതിയ പുര  ഹൌസ് ,  കടമത് .     മൊബൈൽ : 9496341044 .

ലക്ഷദ്വീപ് കപ്പൽ  വ്യൂഹത്തിലേ ക്ക്  പുതിയ രണ്ടു കപ്പലുകൾ കൂടി . ശ്രീലങ്കയിലെ  കൊളംബോ കപ്പൽ ശാലയിൽ പണി പൂർത്തിയായ എം വി  കോറൽ ഉടൻ തന്നെ കൊച്ചിയിലേക്ക് തിരിക്കും . LDCL ജീവനക്കാർ കപ്പൽ ഏറ്റെടുക്കുവാൻ കൊളംബോ യിൽ എത്തി . ലഗൂണ്‍ എന്നു പേരുള്ള സിസ്റ്റർ ഷിപ്പിന്റെ നിർമ്മാണവും  കൊളംബോ കപ്പൽ ശാലയിൽ പുരോഗമിക്കുന്നു .     ഒടുവിൽ കിട്ടിയ വിവരം അനുസരിച്ച് എം വീ കോറൽ ഒരാഴ്ചക്കകം കൊച്ചിയിലേക്ക് പുറപ്പെടും .